憑電影《一秒拳王》首度獲封影帝 周國賢：感謝團隊的照顧包容及鼓勵

周國賢憑電影《一秒拳王》首度獲封影帝！他在香港電影導演會2020年度奪得「最佳男主角」，對於今次得獎，他非常感謝導演會並說：「呢個獎對於我嚟講，係盛載咗好多重量。喺拍攝到上映期間，我自己身體健康、心靈狀態、社會氣候都發生咗好多前所未有嘅改變，呢啲改變，令到我同埋我身邊嘅人同團隊都經歷過一啲好難捱嘅時刻。」

難怪周國賢說：「對於我嚟講，《一秒拳王》唔單止係一部我可以做男主角、所謂『擔正』嘅戲，而係好似一個見證人，親眼睇住嗰段時間係幾難撐、幾咁唔容易。直到上畫之後反應咁好，都好似話緊俾我知，難撐嘅，我哋都會撐得過去，再唔容易嘅困境，你只要肯行落去，都一定會搵到出路！」他又說：「就好似... 我一個寫歌佬都可以變大隻佬...只要你肯相信同埋堅持，奇蹟係會發生嘅，無論面對任何事都好。」

最後他坦言要特別多謝導演趙善恆（恒仔）：「一定要多謝導演！太多太多説話好想同佢講，又好想多謝佢，但同時亦明白，自從我同佢第一晚後（傾劇本），好多嘢都唔使講太多，佢會明的！再次多謝大家喜歡《一秒拳王》，喜歡周天仁，喜歡香港電影！好多人成日話樂壇已死、香港電影已死，成長過程中，嗰段夾band歲月令我明白『挑機』嘅重要性！越踩，就係會做得越好。因為我哋都有一個共同嘅超能力，香港人嘅超能力就係唔會放棄。」

#一秒拳王 #周國賢 #香港電影導演會 #最佳男主角