top of page
搜尋
  • Candice Mak

盧淑儀做跟得老婆陪夫內地搵銀 與李克勤一摸定情愛足29年

李克勤今年為《聲夢傳奇》擔任「主理人」表現獲觀眾大讚,最近獲內地王牌音樂選秀節目《中國好聲音》重金禮聘擔任新一季導師,成功撼低台灣天王周杰倫。雖然酬金可觀,但而家去內地工作嘅藝人要經過一段時間嘅隔離,都咪話唔辛苦!不過克勤嘅前港姐冠軍太太盧淑儀亦有做「跟得夫人」陪伴老公,相信隔離期間都唔會覺得寂寞!


克勤「身價」好高!(IG圖片)

日前盧淑儀喺佢嘅社交平台上載由酒店內影出窗外嘅相,留言:「Lost(迷失)」,並貼上喊樣表情符號,相信隔離日子相當難捱。完成隔離出關後,盧淑儀即刻打卡,見佢於上海某商場內大曬長腿影相,星味依然;佢又多謝自己嘅「私人御用攝影師」,相信就係講緊老公李克勤。老夫老妻都仲咁恩愛,超閃!

其實二人嘅姻緣早喺29年前已定下。1992年盧淑儀參加港姐競選,而克勤係當屆嘅主持。於問答環節中,成頭濕晒嘅克勤拎住個「手榴彈」,好驚咁話拆彈專家要40分鐘後先到,問盧淑儀而家可以點做?盧淑儀就一邊伸手摸克勤,一邊講:「我會先幫你抹汗。」之後仲展露出甜美笑容!盧淑儀回答話會講嘢分散克勤嘅注意力,克勤就覺得講嘢講唔到40分鐘。對方就提議唱首歌畀克勤聽,克勤即刻話好想聽,仲問佢唱咩歌,佢就話不如唱克勤嘅《護花使者》,引到台下觀眾大笑。克勤聽完表示開心到「手榴彈」都掉咗啦!之後就同盧淑儀一齊返入後台。二人就係咁樣撻着,盧淑儀成為當屆港姐冠軍,冇耐就同克勤拍拖,佢哋咁多年愛火都冇熄過;後來女方退出娛樂圈,2006年結婚至今育有兩個仔,幸福滿瀉








2 次查看0 則留言

最新文章

查看全部

為孩子著想買樓首選Elize Park

當今香港社會,教育被視為是孩子未來的關鍵,而學校的聲譽和地段往往是家長考慮入讀學校時的重要因素之一。 名校通常被視為提供優質教育的標誌,這些學校擁有優越的師資、教學資源和課程,能夠為孩子提供更好的學習環境和發展機會。在香港,這些名校通常分佈在一些優越的地理位置,像是交通便利、社區安全、設施完善等等,因此,這些學校的地段成為了許多家長關注的焦點。 為了讓孩子有機會入讀名校,許多家長會積極選擇居住在這

Comments


bottom of page