top of page
搜尋
  • Candice Mak

自閉症兒子疑被打 藝人周啟生報警求助


歌手周啟生昨晚(13日)於社交平台大爆多年前曾於特殊兒童宿舍目擊性侵事件,今晚(14日)偕現任太太現身灣仔警署,就21歲患有自閉症的細仔周爵於宿舍疑被打而報案。事後他於警署外受訪,表示約十多日前收到宿舍社監通知,指周爵行路時右腳「拐吓拐吓」,緊接照X-ray發現腳趾尾有骨裂,事隔幾日後再收到社監指囝囝再有被虐︰「唔止腳傷咁簡單,仲有扯頭髮、掐頸、推櫈同埋踢櫈,做爸爸就梗係緊張!(使唔使打石膏?)唔係太嚴重,腳趾尾打唔到石膏,最嚴重係發現原來係虐兒!之後幾經辛苦先見到校長,當時佢都仲未報警我好失望!直至今日校長先報警,但因為佢唔係家長,就只可以備案,其實過往個仔都發生過意外,曾經跌傷後腦。」


問到周爵有告知他事發經過?他謂兒子不懂表達,但近日暴瘦十幾、二十磅。問到囝囝現時情況、以及有否見過囝囝?他說︰「有,放心!冇問題!佢好Fit!」最後亦暗指知道「加害者」身份︰「應該係員工嚟,但校長話唔能夠睇任何錄影帶,點解我哋係家長,我個仔有事,我要求去睇又唔畀!佢唔容許我知嗰個人嘅名,個仔我係睇得實,只係好擔心其他細路仔。」周啟生約逗留15分鐘後離開警署,轉述警方表示要到案件所屬的警署報案,據知他隨即前往黃竹坑警署。


現年60歲的周啟生是80年代歌手兼唱作人,名曲有《淺草妖姬》、《天長地久》等,亦是粵語片甘草演員周吉之子、歌手周永恒之叔叔。有過3段婚姻的他,共育有二仔一女,3名子女均與不同妻子所生,而其中細仔周爵則患有自閉症。


1 次查看0 則留言

最新文章

查看全部

窮小子的商業奇蹟

在一個小村莊裡,有一個叫做李明的年輕人。他出生在一個貧困的家庭,父母都是農民,生活十分艱難。從小,李明就對身邊的窮困環境感到不滿,他立志要改變自己和家人的命運。 李明自小就非常努力,總是排在班上的前幾名。儘管他的家庭無法負擔昂貴的教育費用,但他從不放棄學習。他每天都會利用上學路上的時間背書,晚上則熬夜自學。雖然辛苦,但他從未抱怨,因為他知道,只有通過知識才能改變命運。 隨著時間的推移,李明逐漸長大

Bình luận


bottom of page