top of page
搜尋
  • Candice Mak

被DQ李文浩已抵英 傳涉公職人員行為失當被查

#DQ #李文浩 #公職人員行為失當

深水埗前區議員李文浩同劉家衡喺上任時聯合開設議員辦事處,但就喺上年喺議辦外張貼「藍絲與狗不得內進」嘅告示而惹起社會爭議。估唔到繼劉家衡同太太「着草」流亡海外後,李文浩今日(24日)都喺Facebook上貼文,透露自己已離開香港抵達英國,解釋話發現跟蹤佢嘅人比平時多,而行為模式亦與記者唔同,嗰刻佢就知道再唔走就可能太遲。不過,有網民留言聲稱話8月底就已經喺英國見到佢喎,反問佢做咩依家先肯講已離港?邊個先係講真呢?另有消息指,佢因告示一事涉公職人員行為失當罪,正被有關部門調查。


其實李文浩公開呢個消息前,就先以局勢難以預測為由,決定暫停運作由佢擔任主席嘅長沙灣社區發展力量。至9月底政府安排該區現任區議員宣誓時,佢就喺前一晚發貼文,表明拒絕出席宣誓儀式,最終佢因未作宣誓,而喪失區議員資格。


失去議席嘅李文浩尋日就上載咗一張幾日前喺倫敦希思羅機場所影嘅自拍「報平安」,話唔會用「流亡」兩隻字形容依家嘅狀況,直指「已經搵到更好嘅攻擊角度」。佢強調選擇離開呢個決定係經過深思熟慮,又指既然喺香港發揮唔到,就應該諗其他辦法,去做未完成嘅事。


佢明言去到英國唔會打「國際線」,因為唔係自己強項。至於可以做到啲乜,佢就話多講無益,有效果自然會見得到喎。有唔少網民見到消息後,都着李要平安,但亦有人聲稱8月底已經喺英國見到佢,話李如果唔係走佬,做乜唔堂堂正正,反而要隔咁耐先肯講喎。


至於劉家衡就因太太潘書韻涉毆打示威者而被控,早喺7月就宣布兩人已「着草」流亡海外,當時劉嘅前助理就狠批佢拋棄為其「賣命」嘅同案「手足」,任由佢喺香港自生自滅,其他助理亦煩惱未能得到薪酬,劉當時則發文否認指控。


之但係,雖然佢哋兩人已離港,但相信唔少人都仲會記得「藍絲與狗不得內進」事件。因為呢件事,民政事務處拒絕向佢哋發放上年1月至今年8月嘅辦事處租金津貼,當時李文浩就因為劉已離港,變相要硬啃兩份租金,更需要墊支幾十萬元嘅營運開支,同繳交辦事處租約賠償金,搞到最後要賣啤牌籌錢。估唔到,到最後兩人先後離開香港。

0 次查看0 則留言

最新文章

查看全部

當法官敲打著木槌,示意所有人保持安靜時,整個法庭都變得肃穆而沉静。 這是一宗持槍打劫案的審判,嫌疑人傑克被控在一家便利店持槍搶劫,搶走了現金和財物,嚴重威脅了店員的安全和生命。 傑克看上去非常緊張,他穿著橙色的囚服,脖子上戴著手銬,坐在被告席上,眼神躲躲閃閃的,似乎在尋找什麼希望或救贖。 法官清了清喉嚨,開始對傑克進行嚴厲的盤問。傑克承認自己在該晚的事情中有所涉及,但聲稱自己是在受到他人脅迫的情況

2008年金融危機是一場全球性的金融危機,主要起因是美國次貸危機。次貸危機是指在住房泡沫的推動下,銀行和貸款公司向信用記錄較差的借款人發放高風險貸款,這些貸款往往具有高利率和不穩定的利率結構。隨著房價的下跌和利率的上升,這些借款人無法偿還貸款,导致了次貸危機。 次貸危機引發了全球金融市場的動盪,导致了許多銀行和金融機構的倒閉或破產。這場危機對世界經濟造成了嚴重的影響,导致了全球经济衰退和失業率的上

香港是一個發達的都市城市,現在以金融、商貿、旅遊和物流為主要經濟支柱。然而,在過去的數十年中,香港的經濟發展曾經依賴於工業。 20世紀50年代至70年代初期,香港經歷了一個工業化的轉型期,由於當時中國大陸的政治和經濟不穩定,很多中國大陸的企業和投資者紛紛轉移到香港。香港政府也積極鼓勵和支持當地工業的發展,以提高當地經濟的發展水平和創造就業機會。 當時,香港的工業主要分為五大類:紡織業、電子業、塑膠

bottom of page