(星島日報報道)Jeremy（李駿傑）今日26歲正日生日，昨日他出席品牌活動，吸引Fans到場支持。對於Fans今年有連串的生日應援，他希望粉絲可用錢做善事，早前已籌得6位數助毛孩。談到生日願望，他希望疫情快些完結並坦言想旅行，至於拍拖則講緣分，現時想專注事業，摘偶條件是笑容靚和鍾意他收養的愛貓。
大批Unicorn（Jeremy粉絲暱稱）昨日一早到場支持Jeremy，今日是Jeremy的正日生日，Fans特別大唱生日歌，並大叫「李駿傑！25+1，生日快樂！」，提早為偶像慶生。雖然生日要在工作中度過，但Jeremy感到很開心，他相信隊友會送上蛋糕慶祝。
提到Unicorn舉行一連串的慶生活動，Jeremy指去年生日有廣告燈箱已經很感動，今年還舉辦慈善義賣活動，便特別有意義，他說：「我覺得好開心，今年多咗好多粉絲鍾意同支持我，希望大家將錢用來做善事，我領養咗隻貓叫Nana。佢哋好有心思收集善款，已過了6位數字，用嚟好好愛護毛孩。」
談到可會親自現身相展場地為Fans送驚喜，Jeremy說：「昨日我去咗打卡，睇到好有心思，感覺到佢哋好鍾意我，我覺得自己要做得更加好，先報答到佢哋對我嘅愛。」對於生日願望，他坦言希望疫情快些過去，也好想去旅行。單身的他又會否恨拍拖？他說：「我覺得拍拖好講求緣分，我成日『宅』喺屋企較難接觸其他人。（擇偶條件？）笑得靚嘅女仔，要鍾意Nana。我唔抗拒圈中人，隨緣啦！遇到一個人已經好好，宜家想先專注事業。」此外，Jeremy獲代言公司買下廣告燈箱為他賀壽。
Comments